Homepage

Потенцијални дејства на алкохолот

Консумирањето алкохол е личен избор и различно влијае на различни луѓе. Некои студии покажуваат дека консумирањето алкохол може да доведе до зголемен ризик од појава на одредени здравствени проблеми. Редовното прекумерно пиење се поврзува со појава на повеќе болести, вклучувајќи болести на црниот дроб, кардиоваскуларни болести, болести на зависност и зголемен ризик од одредени типови рак. „Пијанчењето“, односно консумирање големи количини алкохол за кратко време, е опасно и може да доведе до сериозни здравствени проблеми. Кај некои луѓе, умереното консумирање алкохол може да доведе до зголемени ризици по здравјето и ризици од одредени типови рак, како што е ракот на дојка. Покрај брзината на консумирање, други фактори што може да влијаат на нивото на ризик се количината и зачестеноста на консумирањето алкохол, возраста, полот, генетските фактори и начинот на живот. За таа цел, треба да се консултирате со лекар или медицинско лице кои ќе ви помогнат да разберете дали умереното пиење е соодветно за вашата здравствена состојба.

Што се случува во вашиот организам кога пиете алкохол

Начинот на кој телото го обработува алкохолот е различно кај различни луѓе. За да разберете подобро што се случува во вашето тело кога пиете алкохол, прво треба да знаете дека алкохолните пијалаци содржат супстанца наречена етанол, која влијае на мозокот и го менува начинот на кој размислуваме, чувствуваме и се движиме. Генетските фактори, како што се ензимите во телото што го разградуваат алкохолот, како и други фактори, како на пример, количината што сте ја испиле и вашето целокупно здравје, може да влијаат на тоа како се обработува алкохолот во организмот.

Кога консумирате алкохол, тој влегува во желудникот и се апсорбира во крвотокот. Дел од алкохолот првично се апсорбира во желудникот, а дел во тенкото црево и потребни се само неколку минути за да навлезе во крвотокот. Кога алкохолот ќе влезе во крвотокот, тоа може да влијае на координацијата и емоциите, а колку ќе бидат изразени овие промени ќе зависи од количината што сте ја консумирале и е различно кај различни луѓе.

Откако ќе влезе во крвотокот, најголем дел од алкохолот се разградува во црниот дроб, а остатокот обично се елиминира преку урина, потење и дишење. Општо земено, највисоко ниво на алкохол во крвта се достигнува околу еден час по консумирањето на пијалакот, но ова зависи од фактори како што се полот, телесната тежина, менструалниот циклус, претходното консумирање алкохол, количината на алкохол што сте ја испиле, дали сте јаделе и дали сте земале лекови. Ако сте јаделе пред да консумирате алкохол, тогаш алкохолот побавно стигнува во вашиот крвоток, па затоа се препорачува да не пиете на празен стомак.

Пиењето може да предизвика симптоми следниот ден, како што се главоболка, гадење, жед, чувствителност на светлина и бучава, дијареја и чувство на депресија или раздразливост. Дехидрацијата како последица од алкохолот и ефектите од разградувањето на алкохолот во телото може да придонесат за овие симптоми.

Важно е да запаметите дека процесот на апсорбирање и елиминација на алкохолот трае долго и е различно кај различни луѓе. Затоа, ако пиете, пијте полека, ограничете го внесувањето алкохол, внимавајте да не дехидрирате, јадете доволно храна и дајте му време на вашето тело да го преработи.

Упатства за консумирање алкохол

Најдобро е да се советувате со медицински лица околу консумирањето алкохол. Тие ќе ви дадат совети за тоа како се одразуваат вашите навики на консумирање алкохол како возрасен на вашето здравје, земајќи ги предвид, меѓу другото, најновите медицински истражувања, вашата здравствена состојба, личната и семејната историја, како и вашето опкружување.

Подолу е наведен нецелосен список со линкови до упатства за консумирање алкохол и здравје кои важат во различни земји. HEINEKEN не ја поддржува и не е одговорен за содржината на надворешните линкови. Овој скратен список не ги вклучува сите достапни државни ресурси на оваа тема, затоа посетете ги достапните државни ресурси во вашата земја ако подолу не се наведени ресурси од вашата земја.

Меѓу другите извори на оваа тема, Светската здравствена организација и Меѓународната алијанса за одговорно консумирање алкохол имаат издадено разни извештаи за алкохолот и здравјето:

https://www.who.int/health-topics/alcohol

https://www.iard.org/science-resources/type/reports

За поцелосен список со упатства за консумирање алкохол, посетете ги следниве веб-страници:

Резиме на упатства од разни земји наменети за општата популација

www.iard.org/science-resources/detail/Drinking-Guidelines-General-Popula...

Резиме на упатства од разни земји наменети за бремени и доилки

www.iard.org/science-resources/detail/Drinking-Guidelines-for-Pregnancy-...

Уживајте одговорно

Никогаш не пијте ако треба да возите

Никогаш не возете под дејство на алкохол.

Бременост

На бремените жени не им се препорачува консумирање алкохол.

Законска возраст за консумирање алкохол

Секогаш почитувајте ја законската возраст за консумирање алкохол и прописите околу алкохолот во вашата земја за да овозможите одговорно консумирање во согласност со законот.

Малку. Полека. Не.

Умереното консумирање алкохол е најдобриот начин да ја почувствувате радоста на дружењето со пријателите. Имајте на ум: „Малку. Полека. Не.“

Прекумерното консумирање алкохол (како што е пијанчењето) може да биде особено опасно и да доведе до сериозни последици. Информациите наведени на оваа веб-страница се собрани од HEINEKEN и се наменети само за информативни цели, така што не треба да се користат за какви било медицински намени. Не гарантираме дека информациите се сеопфатни. Консултирајте се со лекар или медицинско лице ако ви требаат дополнителни информации и/или ако сакате да разговарате за вашата здравствена состојба.

Информациите наведени на оваа веб-страница се собрани од HEINEKEN и се наменети само за информативни цели, така што не треба да се користат за какви било медицински намени. Не гарантираме дека информациите се сеопфатни. Консултирајте се со лекар или медицинско лице ако ви требаат дополнителни информации и/или ако сакате да разговарате за вашата здравствена состојба.

За